Protect: parollarni sinxronlash

Kompyuter, smartfon va planshetlaringizdagi Yandex Brauzer saqlagan parollaringizni sinxronlashingiz mumkin. Sinxronlash paytida parollar ombori nusxasi Yandex serverlariga shifrlangan shaklda yuboriladi, keyin boshqa sinxronlangan qurilmalarga uzatiladi. Shu bilan birga, boshqa qurilmalardan parollar joriy kompyuterda kiritiladi.

Parollarni sinxronlashning afzalliklari

  • Saqlangan parollar barcha qurilmalaringizdagi kirish oynalariga avtomatik kiritiladi.
  • Agar kompyuter buzilsa, serverdagi parollarni tiklashingiz mumkin bo‘ladi.

Maslahat

Parollaringizni hech kim, jumladan, Yandex ham shifrdan chiqara olmasligi uchun asosiy parolni yarating.

Parollar sinxronlanishini o‘chirish

Standart shaklda parollar sinxronlash yoqilganda avtomatik sinxronlanadi.

Agar sinxronlash butunlay faolsizlantirilsa, parollarni sinxronlash funksiyasi toʻxtaydi. Faqat karta va parollarni sinxronlashni toʻxtatish uchun:

  1. → Sozlamalar → Umumiy sozlamalar → Sinxronlash → Sinxronlash sozlamalari tugmasini bosing.

  2. Parollar va kartalarparametrini faolsizlantiring.

Parollar sinxronlanishi ixtilofi

Agar sinxronlangan qurilmalarning birida asosiy parolni o‘zgartirsangiz, sinxronlashdan so‘ng u boshqa qurilmalarda ham almashtiriladi. Agar sinxronlanmagan qurilmada asosiy parolni o‘zgartirsangiz yoki qurilmalarda turli asosiy parollarni ular sinxronlanishidan oldin yaratayotgan bo‘lsangiz, ixtilof yuzaga keladi. Masalan, bitta asosiy parolni smartfonga, boshqasini kompyuterga kiritsangiz, so‘ngra sinxornlashni yoqqan bo‘lsangiz. Bunday vaziyatda, Brauzer birlashtirilgan ombor shifrlanishi uchun asosiy parollardan qaysi birini ishlatish mumkinligini tushunmasligi mumkin.

Agar sinxronlash ixtilofga duch kelsa, asosiy parol birinchi marta kiritilganda, sozlamalar belgisi ko‘rinishini oladi.. Ixtilofni hal qilish uchun:

  1.  → Parollar va ma’lumotlar tugmasini bosing.

  2. Keyingi xatti-harakatlar narigi qurilmaning asosiy parolini eslay olish yoki olmasligingizga bogʻliq:

Boshqa qurilma uchun asosiy parol yodingizda

  1. Bu kompyuterdagi seyf bilan birlashtirish tugmasini bosing.

  2. Boshqa qurilma uchun asosiy parolni kiriting.

Brauzer joriy kompyuterning asosiy parolidan foydalanib narigi qurilmadagi parollarni qaytadan shifrlaydi. Boshqa qurilma uchun asosiy parol o‘z kuchini yo‘qotadi. Yangidan shifrlangan parollar umumiy omborga qo‘shiladi.

Boshqa qurilma uchun asosiy parolni eslay olmaysiz

Bu qurilma parollarini oʻchirib tashlashga toʻgʻri keladi. Buning uchun Oʻchirish tugmasini bosing. Unutilgan asosiy parol bilan shifrlangan parollar o‘chiriladi. Qolgan parollarni shifrlash uchun joriy kompyuterdagi asosiy parol ishlatiladi. Unutilgan asosiy parol bekor qilinadi.

Bundan tashqari, ixtilofni hal qila olmasligingiz mumkin. Bunday vaziyatda, parollarni sinxronlash amalga oshirilmaydi (tarix, xatcho‘plar va boshqa ma’lumotlar avvalgidek sinxronlanadi).

Sharh

Agar boshqa qurilmada zaxira shifrlash kalitini yaratgan bo‘lsangiz, unda asosiy parolni tashlashga urinib ko‘ring. Yangi asosiy parol sifatida joriy kompyuterning asosiy parolini kiriting.

Agar ixtilof uch yoki undan ortiq qurilma o‘rtasida paydo bo‘lsa:

  1.  → Parollar va ma’lumotlar tugmasini bosing.

  2. Keyingi xatti-harakatlar boshqa qurilmalarning asosiy parollarini eslay olish yoki olmasligingizga bogʻliq:

    Boshqa qurilmalar uchun asosiy parollar yodingizda

    1. Joriy seyf bilan birlashtiriladigan seyflarni tanlang.

    2. Bu kompyuterdagi seyf bilan birlashtirish tugmasini bosing.

    3. Navbati bilan har bir ixtilofdagi qurilmadan asosiy parolni kiriting.

    Shundan so‘ng Brauzer joriy kompyuterdagi asosiy parol yordamida boshqa qurilmalardagi parollarni qayta shifrlaydi. Boshqa qurilmalar uchun asosiy parollar bekor qilinadi. Joriy kompyuterning parollari birlashtirilgan seyfga qoʻshiladi.

    Boshqa qurilmalar uchun asosiy parolni eslay olmaysiz

    Bunday qurilmalarning parollarini oʻchirib tashlashga toʻgʻri keladi.

    1. Asosiy parolini eslay olmaydigan omborlarni belgilang.

    2. Oʻchirish tugmasini bosing.

    3. Boshqa qurilmalar uchun Joriy kompyuterdagi seyf bilan birlashtirish tugmasini bosing.

    4. Navbati bilan har bir qurilmadan asosiy parolni kiriting.

    Unutilgan asosiy parollar bilan shifrlangan parollar o‘chirib tashlanadi. Boshqa qurilmalardagi parollar joriy kompyuter asosiy paroli yordamida qayta shifrlanadi. Boshqa qurilmalar uchun asosiy parollar bekor qilinadi. Yangidan shifrlangan parollar umumiy omborga qo‘shiladi.

    Bundan tashqari, ixtilofni hal qila olmasligingiz mumkin. Bunday vaziyatda, parollarni sinxronlash amalga oshirilmaydi (tarix, xatcho‘plar va boshqa ma’lumotlar avvalgidek sinxronlanadi).

    Sharh

    Agar boshqa qurilmada zaxira shifrlash kalitini yaratgan bo‘lsangiz, unda asosiy parolni tashlashga urinib ko‘ring. Yangi asosiy parol sifatida joriy kompyuterning asosiy parolini kiriting.

“Parolni almashtirdingiz, lekin sizning shaxsiy ma’lumotlaringiz eskisi bilan shifrlangan”

Yandex serverida parollar shifrlangan shaklda saqlanadi. Kalit sifatida shifrlash uchun Yandex ID paroli ishlatiladi. Agar siz ushbu parolni o‘zgartirsangiz, Brauzer serverdagi parollarni shifrlash, keyin ularni yangi kalit bilan qayta shifrlash zarur. Agar bu jarayonda xatolik yuzaga kelsa, xato haqidagi xabar paydo bo‘ladi.

  1. → Sozlamalar → Umumiy sozlamalar → Sinxronlash → Sinxronlash sozlamalari tugmasini bosing.

  2. Sinxronlash oynasida eski parolni kiriting.

Siz uchun shifrlangan parollar oʻchib ketadi. Lekin siz sinxronlashning qolgan ma’lumotlarini tiklashingiz mumkin:

  1. Brauzerda saqlamoqchi bo‘lgan barcha xatcho‘p, kengaytmalar va sozlamalaringiz mavjudligiga ishonch hosil qiling.

  2. → Sozlamalar → Umumiy sozlamalar → Sinxronlash → Sinxronlash sozlamalari tugmasini bosing.

  3. Sinxronlangan ma’lumotlarni o‘chirib tashlashni bosing.

  4. Maʼlumotlari oʻchirilsinmi? oynasida Ha, oʻchirish tugmasini bosing.

  5. Sinxronizatsiyani yoqing. Ma’lumotlar Brauzerdan serverga o‘tkaziladi.

Qayta o‘rnatishda parollarni saqlash

Parollar shifrlangan holda saqlanadi. Biz shifrlash kalitining qandayligini bilmaymiz hamda agar brauzerni qaytadan oʻrnatgan va profil maʼlumotlarini oʻchirgan boʻlsangiz, parollarni tiklay olmaymiz.

Qayta oʻrnatish paytida parollar oʻchib ketmasligi uchun:

  1. Sinxronlashni yoqing. Parollar serverga uzatiladi.
  2. Brauzerni qayta o‘rnating.
  3. Qayta tiklangan Brauzerda sinxronlashni yoqing. Bir muncha vaqt o‘tgandan keyin parollar kompyuterga qaytariladi.

Sharh

Serverga yuborish paytida parollar qoʻshimcha shifrlash bilan himoyalanadi. Serverda maʼlumotlar (va parollar hamda ularni shifrlash kalitlari) ham shifrlanadi.

Agar Brauzer profil maʼlumotlari bilan oʻchirilgan, ammo sinxronlangan boshqa qurilma boʻlsa nima boʻladi?

Boshqa qurilmadagi Yandex Brauzerda saqlagan parollaringizni kompyuterga o‘tkazish mumkin (kompyuter, smartfon yoki planshet).

Maslahat

Agar boshqa kompyuterdan parollarni oʻtkazishni xohlasangiz, unda profil nusxasini oʻzingiz uchun qulay joyga saqlang (har ehtimolga qarshi, agar sizga joriy profil maʼlumotlari kerak boʻlib qolsa).

1. Qayta o‘rnatilgan brauzerda sinxronlashni o‘chiring.

2. Qurilmani yuklab oling.

3. Qurilmani internetdan uzing.

4. Qurilmadagi Brauzerda sinxronlashni o‘chirib qo‘ying.

5. Qurilmada internetni qayta yoqing.

6. Qurilmadagi Brauzerda sinxronlashni yoqing. Parollar serverga uzatiladi.

7. Qayta tiklangan Brauzerda sinxronlashni yoqing. Bir muncha vaqt o‘tgandan keyin parollar serverdan yuklanadi.

Qurilmalaringizga saqlamagan parollaringiz tiklanmaydi.

Yordam xizmatiga yozish
Avvalgisi
Parollarni tekshirish
Keyingisi
Ishonchsiz sertifikatlardan himoya